The Wild Childs: Bak frå venstre: Ida Slettebø, Tonita Noreng Tollefsen, Kaja Marina B. Johannesen, Catarina Israelsson. Framme frå venstre: Renate Lye, Kaja Myklebust, Eilen Victoria Skailand, Malin Lunde.

Årets fyrste KRIK Fotballcup vart halden i Bjerkreimshallen fredag kveld. Det var med 13 lag i Herreklassen og 6 lag i Dameklassen. Herreklassen vart vunnen av debutantlaget Sjømannsforeningen (Eigersund), medan The Wild Childs (Helleland) vann Dameklassen.

Sjømannsforeningen tok seg til sluttspelet ved å bli nummer to i gruppa etter Di Beste. Laget vann kvartfinalen mot Heroes in Blue 1-0, men fekk større problemar i semifinalen som enda 0-0 mot hardtkjempande Team Snøft. Sikre straffeeksekutørar sikra avansement til finalen, kor dei skulle møta FFBS, som hadde teke seg dit etter å ha vunne gruppa og slått Gul Snø og Di Beste 1-0. Finalen var lenge heilt open med stor innsats av begge lag. Då tre minuttar gjenstod avgjorde Sondre Tveit kampen med ein flott prestasjon, og Sjømannsforeningen vann 1-0.

I Dameklassen var dei seks laga plassert i same gruppe, kor dei to beste skulle spela finale. Blomsterpikene vann gruppa på målskilnad føre The Wild Childs. Tredjeplassen gjekk til debutantlaget Prison Girls. I finalen tok The Wild Childs initiativet og med høgt tempo og mål av Malin Lunde og Tonita Noreng Tollefsen gjekk dei opp i 2-0 før Blomsterpikene vakna. Dei regjerande meistrane kom inn i kampen etter å ha redusert ved Rosmari F. Gåsland, men trass i fleire farlege headingar dei siste minutta kom dei ikkje nærmare og Hellelandsjentene kunne ta heim en fortent og etterlengta siger.

Kveldens andaktshaldar var Oddvar Sæth, leiar i KRIK Bjerkreim si gruppe i Ørsdalen. Oddvar tok utgongspunkt i Markus 10 då han snakka om at frelsa ikkje er noko me kan gjera oss fortent til, men som me berre kan ta imot. Ein flott andakt under ein cup som lova godt for årets sesong med KRIK Fotballcup.

Me gler oss

Påmelde lag:

• Herreklassen: FFBS, Intolerante Mørkemenn.
• Dameklassen: Prison Girls.

Anders Rambekk

Solveig Engelsgjerd i aksjon for Navnlause, eit av debutantlaga.

Dei 18 deltakande laga var fordelt på Herreklasse (10 lag) og Dameklasse (8 lag). I Herreklassen var det to grupper med fem lag i kvar. I gruppe 1 fann me finalistane frå sist cup, Gul Snø og FFBS. Noko overraskande måtte dei ta til takke med tredje- og fjerdeplassen i gruppa. Fyrsteplassen tok Hakuna Matata, eit svært ballsikkert og samspelt lag som berre avga poeng til det solide Eigersunds-laget De Optimistiske, som tok andreplassen. Gruppe 2 vart vunnen av rutinerte Intolerante Mørkemenn, medan CHRISC viste gode takter og tok andreplassen. Med stor innsats kapra Halla Bø tredjeplassen, laget måtte imidlertid kasta inn handduken etter gruppespelet og overlot sluttspelsplassen til This is Football. Hellelands-laget First Price, anført av ein opplagt Jan Terje Søyland, enda på fjerdeplass.

This is Tom Ivar Solberg. Her i kamp mot Chris Sleveland (First Price).

I kvartfinalane overbeviste Hakuna Matata ved å slå This is Football 4-0, Gul Snø slo CHRISC på straffekonkurranse, Intolerante Mørkemenn tok ein etterlengta 2-1 siger mot FFBS og De Optimistiske slo First Price etter ein lang straffekonkurranse. I semifinalane var det hard kamp: Gul Snø haldt lenge Hakuna Matata til 1-1, men Ålgårdslaget scora to i andre omgong og vann 3-1. Den andre semifinalen var svært jevn og såg ut til enda 0-0, men ei frekk scoring gjorde at De Optimistiske vann 1-0 mot Intolerante Mørkemenn. Finalen vart ein intens kamp med både fint spel, spaning og temperament. Til slutt var det Hakuna Matata som vann 1-0, ein fortent siger etter å ha gjort ein svært bra cup.

Hakuna Matata gjekk til topps i Herreklassen.

I Dameklassen var det to grupper med fire lag i kvar. Det rutinerte laget Vrimleveps tok ein overbevisande gruppesiger, medan debutantlaget The Randoms gjorde ein svært god figur og tok andreplassen. Eit anna debutantlag, Rosa Vind, imponerte òg stort og slo Navnlause i kveldens opningskamp. Gruppe 2 vart – ikkje overraskande – vunnen av Hjarteknusarar, vinnar av dei to siste cupane. Like bak fulgte Blomsterpikene, som òg var svært solide på denne cupen. Riksveg 503 tok ein respektabel tredjeplass, medan Back in Black trass bra spel måtte nøya seg med fjerdeplassen.

I kvartfinalane var det oppskriftsmessig dei beste laga frå gruppespelet som tok seg vidare. Hjarteknusarar slo Navnlause 4-0, The Randoms slo Riksveg 503 2-0, Vrimleveps vann 2-0 over Back in Black medan Blomsterpikene kontrollerte inn 2-0 mot Rosa Vind. Semifinalane vart jevnare: The Randoms gjorde ein god innsats mot Hjarteknusarar, men måtte likevel sjå seg slått 2-0. Blomsterpikene fekk endeleg revansje med 1-0 etter å ha tapt to semifinalar på rad mot Vrimleveps. I finalen møtte Hjarteknusarar tøff motstand mot Blomsterpikene, som nok har ein litt meir fysisk spelestil enn kvae in skulle tru ut frå namnet. Med gode sjansar til begge lag var det til slutt dei regjerande meistrane som trakk det lengste strået og vann 2-0.

Både hjarter og all motstand vert knust av denne gjengen.

Samlinga var ved Magne Sturød frå CHRISC. Han viste film frå KRIK sitt arbeide i Aust-Afrika og hadde ein andakt om å visa nestekjærleik. Eit inspirerande innslag om eit svært viktig arbeid som me i KRIK Bjerkreim er glade for å støtta.

Magne frå CHRISC har forsamlinga si fulle merksemd.

Etter fire av fem cupar er det framleis heilt ope på Maratontabellen både i Dame- og Herreklassen. Med langt fleire poeng i potten under KRIK Cup&Konsert vert det svært spanande å sjå kven som får æra av å heva pokalane som årets beste lag

Junior Vikesdal og resten av Gul Snø vann Herreklassen.

I Herreklassen var det 8 lag fordelt på to grupper. I Gruppe 1 var det dei rutinerte og ivrige bedehusgutane i FFBS som starta best, dei vann gruppa med tre strake sigrar. Gul Snø varta opp med flott fotball i sine to fyrste kampar, men måtte med tap 1-2 mot FFBS nøya seg med andreplass i gruppa. Debutantlaget This is Football hadde ein marerittstart på cupen med tre baklengs på dei fire fyrste minutta, men deretter spelte dei seg stort opp og slo sistelaget i gruppa, Nikotinbanden, 2-1 i siste kampen. I Gruppe 2 viste Hellelandslaget First Price seg verdig namnet. Dei slo storlaget Intolerante Mørkemenn i fyrste kampen, og kontrollerte deretter inn gruppesigeren. Andreplassen i gruppa vart teken av mørkemennene, medan debutantlaget Reservelaget viste lovande takter og tok plassen føre Elite Futsal Superkickers.

God innsats i kampen mellom First Price og Nikotinbanden.

I kvartfinalane vann dei to beste laga i kvar gruppe oppskriftsmessig kampane sine. I semifinalane vart det derimot jevnare. Kampen mellom FFBS og Intolerante Mørkemenn var prega av stor innsats frå begge lag, og etter 1-1 måtte det straffespark til for å senda FFBS vidare. Den andre semifinalen var òg spelemessig jevn, men Gul Snø var svært effektive og scora tre mål før First Price fekk eit trøstemål mot slutten. Dermed var det duka for finale mellom FFBS og Gul Snø, to lag som hadde vore med på mange cupar utan å vinna. Det var ein underhaldande og jevn kamp. Tunga på vektskåla vart Trym Skjæveland, som på frekt vis sette ein corner direkte i mål og sikra 1-0 siger til dei unge talenta.

I Dameklassen var dei 6 laga i same gruppa. Gruppespelet var prega av mange 0-0 kampar, stor innsats og fleire mindre skader. Best var Hjarteknusarar, som med fire sigrar og ein uavgjort vann gruppa. Andreplass tok Blomsterpikene, som trass fleire utskiftingar på laget gjorde nok ein bra cup. Like mange poeng fekk Vrimleveps, eit lag som med sterkt forsvar er svært vanskelege å slå. Vidare til sluttspelet gjekk òg dei talentfulle Hellelandsjentene i The Wild Childs, som med litt betre avslutningar fort kunne vore med heilt i toppen. Dei to siste plassane i gruppa gjekk til The Queens og Riksveg 503.

Frå kampen mellom The Wild Childs og Hjarteknusarar.

Semifinalane vart ein reprise frå sist cup: Hjarteknusarane frå Bjerkreim IL sitt damelag slo ut The Wild Childs (med 3-1), medan Vrimleveps slo ut Blomsterpikene på straffekonurranse. Finalen var lenge jevnspelt og Vrimleveps hadde gode sjansar til å ta leiinga. Likevel var det Hjarteknusarar som fekk det fyrste målet, og etter dette fekk dei spelet til å sitja skikkeleg og vann til slutt 3-0.

Etter årets tre fyrste cupar er det Intolerante Mørkemenn som leiar Maratontabellen for Herreklassen. Laget har 11 poeng, eitt poeng føre FFBS medan First Price og Gul Snø deler tredjeplassen med 7 poeng. I Dameklassen tronar Vrimleveps på topp med 7 poeng, medan Hjarteknusarar (6 p) og Blomsterpikene (4 p) òg har eit godt utgongspunkt føre hausten. Neste cup er fredag 2. september, men det skal mykje til om noko skal vera avgjort før KRIK Cup&Konsert 28.-30. oktober.

Kveldens andakt vart halden av Børge. Gjennom likninga om den bortkomne sonen (Lukas 15) vart det gjeve eit lite bilete av kor stor og tålmodig Gud sin kjærleik til oss er.

Riksveg 503 kom ikkje til sluttspelet, men hadde nok vunne ein eventuell lagfotokonkurranse.

Årets andre KRIK Fotballcup i Bjerkreimshallen vart halden fredag 4. mars. Debutantlaget Hjerteknusere, med spelarar frå Bjerkreim sitt damelag, gjekk til topp i Dameklassen. I Herreklassen var det debutantlaget ”Me kom ikkje på noge namn” som trakk det lengste strået. Begge finalane vart avgjort på straffekonk, noko som vel tyder på at nivået var ganske jevnt.

Det var med 17 lag, fordelt på 10 lag i Herreklassen og 7 lag i Dameklassen. I Dameklassen var laga delt inn i to grupper, kor dei to beste i kvar gruppe tok seg til semifinale. Gruppe 1 vart vunnen av Hjerteknusere. Anført av ei sprudlande Henriette Sundvor gjekk laget gjennom gruppa utan tap. Vrimleveps  tok andreplassen etter mykje flott spel og mellom anna eit kjempemål av Line Honnens. I Gruppe 2 vann Blomsterpikene oppskriftsmessig kampane sine, og den regjerande Maratontabell-meisteren tok seg greitt vidare til semifinale. Hellelandslaget The Wild Childs viste nok ei gong at dei er å rekna med og tok andreplassen i gruppa.

The Wild Childs møtte stor motstand i semifinalen, der Hjerteknusere slo dei med 3-0. Den andre semifinalen ebba ut med 0-0, og som i sist finale var det Vrimleveps som sigra over Blomsterpikene i straffekonkurranse. Dermed var det duka for finale mellom Hjerteknusere og Vrimleveps. Kampen var svært spanande og begge lag hadde gode forsøk utan å få ballen forbi motstandarens keeper. I straffekonkurransen var Hjerteknusere best og dei vann dermed Dameklassen på cupen.

Hjerteknusere og Vrimleveps i aksjon.

I Herreklassen var laga delt inn i to grupper kor dei fire beste i kvar gruppe tok seg til kvartfinale. Gruppe 1 vart vunnen av Foreininga For den Blå Songboka (FFBS), som var skikkeleg på hogget denne kvelden. Dei slo mellom anna gruppetoar Splitt og Hersk, som mønstra eit godt lag og spelte veldig bra fotball. Vidare frå gruppa gjekk òg First Price og Guds Disipler. Gruppe 2 vart vunnen av Me kom ikkje på noge namn. Marius Solberg sine utvalde viste godt samspel og stor balltryggleik og viste dei sterke laga Gul Snø og Intolerante Mørkemenn til 2. og 3. plass i gruppa. Vidare til kvartfinale gjekk òg Langveis Farande.

Vetle Skjæveland fekk sin debut som superreserve for Guds Disipler. Her burde han kanskje hatt eit frispark?

I den fyrste kvartfinalen slo Intolerante Mørkemenn ut Splitt og Hersk på straffekonkurranse. FFBS hadde mindre problemar med å slå Langveis Farande, medan First Price, anført av ein svært opplagt Stian Sleveland, slo Gul Snø 2-0. Me kom ikkje på noge namn slo Guds Disipler 2-0, og var dermed klar for semifinale mot First Price. Kampen var svært jamn med stor innsats frå begge lag, men First Price måtte til slutt sjå seg slått med 1-0. I kampen mellom FFBS og Intolerante Mørkemenn, som alltid med stor innsats og godt humør, var det mørkemennene som tok seg vidare med 2-1. Finalen vart ein jamn og innsatsrik kamp kor Intolerante Mørkemenn var sprekast medan Me kom ikkje på noge namn spelte klokast. Det enda 0-0 og Marius Solberg sine utvalde tok ein fortent siger etter å ha vunne straffekonkurransen.

Me kom ikkje på noge namn innfridde så det haldt!

Andakten vart halden av Alfred M. Paulsen, ein ivrig KRIKar. Han snakka om den gyldne regel; ” Som de vil at andre skal gjera mot dykk, så skal de gjera mot dei.” (Luk 6.31) og kva goder og utfordringar den fører med seg. Ein tankevekkande og inspirerande andakt av teologistudenten.

Etter årets to fyrste cupar er Intolerante Mørkemenn og FFBS øvst på Maratontabellen for herrar, medan Vrimleveps leiar damene sin tabell. Neste cup er fredag 6. mai, berre set av kvelden

Dameklassen hadde med heile 8 lag, og laga vert berre betre og betre.

I 2007 dominerte Stian Sleveland og Hugo Netland den fyrste sesongen med KRIK Fotballcup på laget Heroes in Blue. Den seinare tida har dei vore knytta til laget Stars, som òg har andre dyktige spelarar frå A-lag i regionen. Ikkje uventa tok det kort tid før laget viste seg fram. Allereie etter 8 sekundar kom den fyrste scoringa mot Sviland Army, og stjernegutane tok seg relativt greit gjennom gruppespelet og vann gruppe 2.

Stars gjorde ein svært god cup. At biletet ikkje er større skuldast ikkje at fotografen var på motstandarlaget i finalen, men at mobilkameraet ikkje trivdest i hallen.

Gruppe 1 vart vunnen av Gul Snø, som består av talentfulle spelarar ifrå Bjerkreim. Med seg til sluttspelet fekk dei debutantlaget First Price, som òg viste gode takter. I gruppe 3 stilte Intolerante Mørkemenn med eit bra lag, med god defensiv kontroll og målfarlige angriparar. Dei toppa gruppa føre Ballbingen FK.

Frå kampen mellom Ballbingen FK og Intolerante Mørkemenn. Fotografen var enno vaken då.

I kvartfinalane viste Guds Disipler styrke ved å slå ut Gul Snø, medan Stars oppskriftsmessig slo ut First Price. Desse laga møtte kvarandre så i semifinale, kor Guds Disipler trass god innsats måtte sjå seg slått med 1-0. FFBS tok seg òg til semifinale etter å ha imponert ved å slå Ballbingen FK 3-0. Der vart det duka for eit klassisk oppgjer mot Intolerante Mørkemenn, som hadde slått ut Elite Futsal Superkickers. Mørkemennene vann 2-0 mot FFBS i ein kamp med mykje innsats og godt humør.

Finalen vart eit spanande oppgjer kor begge lag hadde sine sjansar før Stars gjekk opp til 1-0 etter ein corner. Etter dette førte Stars kampen til dei la på til 2-0 etter pause. Intolerante Mørkemenn pressa så stort og fekk løn for strevet med redusering til 1-2. Men trass spanande sluttminuttar haldt Stars unna og vann ein velfortend siger, deira andre så langt i KRIK Fotballcup.

I Dameklassen vart gruppe 1 vunnen av Blomsterpikene. Dei regjerande meistrane på Maratontabellen viste solide takter ved å vinna alle sine kampar utan å sleppa inn mål. Andreplassen i gruppa gjekk til The Wild Childs, som nådde sitt tredje strake sluttspel. Gruppe 2 vart vunnen av Vrimleveps, som med svært godt defensivt arbeid tok seg greit til gruppesiger. Med seg til sluttspelet fekk dei Black Diamonds, som så vidt kom føre Jåo på målskilnad.

Karoline Sandstøl (Vrimleveps, gult) styrte laget inn til nok ein siger på KRIK Fotballcup.

I den fyrste semifinalen møttest Blomsterpikene og Black Diamonds. Denne kampen vann fyrstnevnte 1-0, og fekk dermed revansje for tapet i semifinalen i januar-cupen i fjor. Same sifra vart det i den andre semifinalen, kor Vrimleveps imponerte ved å slå ut The Wild Childs. Dermed var det duka for eit klassisk oppgjer mellom Blomsterpikene og Vrimleveps i finalen. Kampen var svært spanande med sjansar til begge lag, men ebba ut med 0-0. Dermed måtte det straffespark til for å kåra ein vinnar. Her vann Vrimleveps 2-0 og vann dermed sin andre siger i KRIK Fotballcup.

Kveldens andaktshaldar var Oddbjørn Edland. Han tok føre seg Sakkeus sitt strev for å koma over folkemengda for å sjå Jesus, og oppfordra oss til å gjera som Sakkeus ved å ikkje danna oss eit bilete av Jesus ved å sjå på dei som tilsynelatande står han nærast, men å sjå forbi desse og ha fokuset direkte på Jesus og Evangeliet. Ein veldig bra andakt frå truleg den minst talentfulle fotballspelaren i hallen denne kvelden.

Gul Snø - vinner U16-klassen KRIK Cup&Konsert

Gruppespillet var fredag kveld og lørdag formiddag, mens sluttspillet ble holdt etter bibeltimen lørdag. De 22 lagene i Herreklassen var fordelt på 5 grupper. Sluttspillet startet med åttendedelsfinaler, hvor fjorårets KRIK Cup&Konsert-finalist Elgen noe overraskende tapte for Julebygda. De fleste ”store” lagene var med til kvartfinale, men der ble forhåndsfavorittene slått ut en etter en: Først røk det tekniske laget The Flowers mot The Wallabies, deretter røk bedehusgjengen i FFBS mot Julebygda, mens fjorårets KRIK Cup&Konsert-mester FK Mustafunte måtte se seg slått av Småkryp. Ved å nå kvartfinale sikret likevel FK Mustafunte seg seier i Maratontabellen, som tegn på at de har vært årets beste lag i KRIK Bjerkreims fotballcuper.

FK Mustafunte - vinner Maratontabellen 2010

Videre til semifinale kom også Team Bjødni, som der spilte uavgjort mot The Wallabies for deretter å slå dem på straffekonkurranse. I den andre semifinalen vant Julebygda over Smårips. Finalen ble en underholdende affære som til slutt endte med 3-1 til Team Bjødni.

Team Bjødni - vinner Herreklassen KRIK Cup&Konsert

De 12 lagene i dameklassen var fordelt på 3 grupper. De lokale favorittene Blomsterpikene og Vrimleveps tok seg oppskriftsmessig til kvartfinale. Der fikk de blant andre følge av Hellelands-jentene The Wild Childs og Bryne-jentene Pink Panters. Disse lagene tok seg også videre til semifinale, der Pink Panters slo Vrimleveps 1-0 mens Blomsterpikene slo The Wild Childs med samme sifre. Finalen ble et intenst oppgjør hvor Pink Panters gav de mer rutinerte Blomsterpikene god motstand. De lokale favorittene ble likevel for sterke, fikk det avgjørende målet og vant 1-0. Dermed vant Blomsterpikene både cupen og årets Maratontabell, og kunne nye velfortjent jubel fra et stort publikum.

Blomsterpikene - vinner Dameklassen KRIK Cup&Konsert

U16-klassen hadde med 8 lag fordelt på to grupper. Jærlaget Dream Team spilte attraktiv fotball og tok seg greit gjennom gruppespillet. Fra gruppen deres kom også Johnsen & Co til semifinale. I den andre gruppen kom Ålgårds-gjengen i Connect All-Star og de lokale favorittene Gul Snø videre til semifinale. I den første semifinalen møttes de to kanskje beste lagene, Gul Snø og Dream Team. Kampen ble svært underholdende og endte til slutt 2-1 til Gul Snø, til stor fornøyelse for publikum. Connect All-Star slo Johnsen & Co 4-3 og tok seg da også til finalen. Finalen ble enveiskjøring der Gul Snø ikke stoppet før det stod 4-0. Den talentfulle Bjerkreimsgjengen viste seg som en verdig vinner som klarte å kombinere individuelle prestasjoner og lagarbeid på en glimrende måte.

KRIK Cup&Konsert 2012 is scheduled for the week-end November 16th-18th. More info will come. If you would like more information and/or have questions, please contact us at krikbjerkreim@hotmail.com.

How to get here: Bjerkreimshallen is located by the main road (E39) 45 minutes (by car) South of Stavanger city and Stavanger airport Sola (SVG). We will do our best to help you get here, please contact us at krikbjerkreim@hotmail.com and we’ll help you plan the travel.

Ein av mange gode duellar på cupen. Fleire bilete finn du på Facebook-gruppa KRIK Bjerkreim.

Årets fjerde KRIK Fotballcup vart halden fredag 3. september. Med 11 lag i Herreklassen og 6 lag i Dameklassen vart det mykje underhaldande fotball og intense oppgjer. Herreklassen vart vunnen av debutantlaget Splitt og Hersk frå Eigersund, medan Blomsterpikene nok ein gong vann Dameklassen. Andaktshaldar på cupen var Fernando de Ornelas, som skapte god stemning blant tilhøyrarane.

Herreklassen bestod av to grupper. Gruppevinnar i Gruppe 1 vart FK Mustafunte, som alltid viser tekniske finesser og bra samspel – trass i at det var fleire utskiftningar frå laget dei stilte med sist. På andre plass kom Splitt og Hersk, medan dei unge og lovande laga Dundee United og Gul Snø òg kom seg til kvartfinale.

Gruppe 2 starta noko seint på grunn av at fleire av spelarane var opptekne med A-lagskamp og bedehusmøte. Regjerande meister Intolerante Mørkemenn tok seg greit til gruppesiger med fire sigrar. Andreplassen i gruppa tok debutantlaget Oddvar, ein gjeng talentfulle Tryggheimselevar. Til kvartfinale kom òg Tinki Winki og FFBS.

I den fyrste kvartfinalen måtte Dundee Utd sjå seg slått av dei litt eldre motstandarane på Oddvar. Tinki Winki, med fleire trøytte A-lags spelarar på laget, gav FK Mustafunte god kamp og haldt dei til uavgjort, men gjengen frå Lye er alltid sikre frå 7 (?)-meteren og vann straffekonken. Splitt og Hersk viste styrke då dei sende FFBS ut i den neste kvartfinalen, medan Intolerante Mørkemenn vann sin kamp trass god motstand frå Vidar Gjedrem sine utvalde på Gul Snø.

I fyrste semifinalen hadde FK Mustafunte god kontroll mot Oddvar, og tok ein komfortabel 2-0 siger. Eit skår i gleda var at solide Preben L. Hellvik vart skada og måtte sjå finalen frå sidelinja. Den andre semifinalen mellom Splitt og Hersk og Intolerante Mørkemenn vart avgjort heilt mot slutten, då ei flott scoring sende Eigersundslaget føre med 1-2 og dermed til finalen.

Finalen vart ein forrykande fotballkamp kor Splitt og Hersk tok leiinga og spelet deretter bølga fram og tilbake. FK Mustafunte hadde sine sjansar og brukte keeperen svært offensivt, noko Splitt og Hersk til slutt utnytta og sette 2-0 målet frå ca. 20 meter. Ein velfortent siger til eit samspelt, teknisk og sterkt Splitt og Hersk. Me vonar å få sjå meir til Eigersundslaget på seinare cupar!

Splitt og Hersk

I Dameklassen vann dei lokale Blomsterpikene gruppa etter solid spel gjennom heile gruppespelet. Blomsterpikene har alltid eit sterkt lag, og hadde noko å revansjera etter å ikkje ha nådd finalen sist gong. KRIK-cupane har tidlegare hatt mange gode bidrag frå Helleland, og laget The Wild Childs er ikkje noko unntak. Med god innsats og solide ferdigheiter tok dei andreplassen i gruppa. Til sluttspelet kom òg regjerande meister Vrimleveps og The Blondies.

Blomsterpikene viste klasse i semifinalen då dei slo The Blondies heile 4-0. Den andre semifinalen var jevnare, der var det til slutt The Wild Childs som tok sigeren med 2-1 mot Vrimleveps. Finalen vart jevn og innsatsrik. Blomsterpikene vann 1-0, men The Wild Childs viste lovande takter og har definitivt potensiale til å nå toppen.

Blomsterpikene

Andaktshaldar på cupen var Fernando de Ornelas. “Nando” har eit langt liv som fotballproff bak seg, med spel for klubbar i m.a. Skottland, England, Portugal, Tyskland, Kypros og Kina. Han fortalde om ei fortid med fest, alkohol og dårlege stemning i ekteskapet før han vart kjend med Jesus. Med ein god kombinasjon av spansk, norsk og lokal dialekt fortalde han ungdomen kor godt og trygt han hadde det med Jesus. Me i KRIK er svært takksame for at han tok turen frå Skien berre for å halda andakt for oss!

Fernando de Ornelas.

Neste cup er under KRIK Cup&Konsert helga 5.-7. november. Meir info om den finn du her. Me håper du stiller då òg

Downhere under KRIK Cup&Konsert 2009

Rush Of Fools under KRIK Cup&Konsert 2010

 

Casting Crowns under KRIK Cup&Konsert 2010

Meir info om KRIK Cup&Konsert finn du etter kvart under. Ta berre kontakt på cupkonsert@hotmail.com dersom du har spørsmål om arrangementet